Thursday, June 22, 2006

Paġni Magħżulin mid-Djarji Ta' Ħalliem #6
We shall not be moved... perhaps!

Is-Sibt, 22 ta' Ġunju, 1996

Dal-għodu lagħbna ftit futbol. Qiegħed ngħejja wisq malajr jien. Wara nofs in-nhar erġajna lagħbna.

Illum morna sal-Little Sisters of the Poor. Tgħidx kemm ħsilna twieqi. Veru għajjejt però ħassejtni sodisfatt li għent lix-xjuħ.


* * * * *

Illum kien hemm l-Ingliżi kontra Spanja. Sa minn filgħodu l-briju ma naqasx. Fl-ewwel half Spanja lagħbu aħjar minna u skorjaw żewġ gowls - però r-referi ħassarhom it-tnejn għax kienu offsides (naħseb li wieħed minnhom kien gowl).

Fit-tieni half l-Ingliżi ma lagħbux ħażin. Però kien hemm ftit impreċiżjoni fil-passes min-naħa ta' l-Ingliżi.


Fid-90 minuta spiċċaw 0-0. Qalbi bdiet tħabbat mija mija u bdejt nibża' li se ninqalgħu fis-sudden death. Waqt il-logħba Gary Neville ntwera l-karta s-safra u issa ġie sospiż logħba.

Fl-extra time veru bdejt nibża', però s-sudden death għaddiet u baqgħu 0-0.

L-ewwel penalti tah Shearer u skorja. Hierro ta dak ta' Spanja u ħabatlu mal-lasta ta' fuq! Wara mar Platt u skorjah. Spanja skorjaw tagħhom ukoll.

Wara mar Stuart Pearce! Però din id-darba ma falliehx! Tgħidx kemm għajjat wara li skorja! U bir-raġun!

Spanja reġgħu skorjaw tagħhom. Wara Gascoigne skorja għall-Ingliżi (b'siequ tuġgħu). Wara mar Nadal però Seaman salvah!!!

Wara l-logħba morna nixorbu u Tonna siker.

Diska tal-ġurnata: England We'll Fly The Flag -
England World Cup Squad 1982



Ħatab: 2

Blogger Antoine Cassar qal/qalet...

Fl-ewwel half Spanja lagħbu aħjar minna u skorjaw żewġ gowls - però r-referi ħassarhom it-tnejn għax kienu offsides (naħseb li wieħed minnhom kien gowl).

Kont mingħalija li dakinhar lil Spanja ħassrulhom gowl wieħed, fit-tieni taqsima jew fil-ħin barrani... u ara x'għandek imniżżel fid-djarju tiegħek! Żewġ gowls imħassrin!! Lanqas ftakart... qed tara x'inġustizzja? :p

Jalla jkollna semi-final Spanja-Ingilterra, ħa jpattuhielkom għaxar snin wara...

5:06 pm  
Blogger L-Imżebbel qal/qalet...

Jidhirli li kienu tnejn li tħassru iżda wieħed minnhom biss li aktarx kien gowl.

Fejn jidħlu l-inġustizzji, l-Ingliżi għandha bosta stejjer x'jirrakontaw. Allaħares nibdew. Dak in-nhar inzertat ġiethom tajba, avolja imbagħad kienu ferm żvinturati fil-logħba ta' wara.

Tant tkun ċert li jpattuhielhom jekk jiltaqgħu. Ngħidlek is-sew ma tantx nixtieqhom jiltaqgħu, għax wisq nibża' li nafu naraw ħafna vjolenza. Jidhirli li l-aħħar darba li lagħbu kontra xulxin hekk ġara.

Anyway, l-Ingliżi għandhom xorti jekk jgħaddu l-fażi li jmiss - aħseb u ara kemm se jilgħabu fis-semi-finali. Fuq il-karta l-potenzjal hemm qiegħed, imma mhux qed narahom fil-forma.

6:38 pm  

Post a Comment

<< Lura